മാസങ്ങള്‍ പറഞ്ഞത്‌.

മാര്‍ച്ചിലെ ചൂടില്‍
നീ എന്നെ നോക്കി ചിരിച്ചു...
ജൂലായിയില്‍ പെയ്ത മഴയില്‍
ഞാന്‍ നിന്റെ കുടക്കീഴില്‍ കയറി നിന്നു...
മഞ്ഞു പെയ്തിറങ്ങിയ
ഡിസംബറിലെ തണുപ്പില്‍
ഞാനും നീയും വാരിപ്പുണര്‍ന്നു...
ഒടുവില്‍ നിന്നെ കാണുമ്പോള്‍
നിന്റെ വയര്‍ വീര്‍ത്തിരുന്നു.

അവന്‍ വരുന്നു...

അടയാളങ്ങള്‍
വെച്ച് കുത്തി കീറിയ കാല്‍വിരലുകളും
ബട്ടന്‍സ് ഇല്ലാത്ത ട്രൌസറും
പിന്നെ മേല് നിറച്ചും കലകളും
അവന്റെ അടയാളങ്ങള്‍...

ആയുധങ്ങള്‍
കൊടകമ്പിയും കുപ്പിച്ചില്ലും
ആരും കാണാതെ
അടുപ്പിന്‍ തിണ്ണയില്‍ നിന്നും
കവര്‍ന്നെടുത്ത തീപ്പെട്ടിയും
അവന്‍റെ ആയുധങ്ങള്‍...

ഇഷ്ട ഭക്ഷണം
നാട്ടുമാവിലെ മാങ്ങയും
കല്ലുംപുറത്തെ വരിക്ക പ്ലാവിന്റെ ചക്കയും
മുള്ളിന്‍ കൂട്ടത്തിലെ നുള്ളിക്കയും
അവന്‍റെ ഇഷ്ട വിഭവങ്ങള്‍...

ഇഷ്ടവിഷയം
ഉന്ത്‌ തല്ല് വഴക്ക്‌ വക്കാണം
അടി പിടി കാക്കവധം
കോഴിപാച്ചല്‍ പട്ടിയേര്‍
മീനൂറ്റ്‌ ആട്ദ്രോഹം
അലമ്പ് അവുലോസുണ്ട
ഹലാക്കിന്‍റെ അവിലും കഞ്ഞിയും.